निरिह आँखाहरु

निरिह आँखाहरु -बिमल गिरी
सुन्य सुन्य यि निरिह आँखाहरु
करुणाका मुर्ती
यो बुढेसकालको
आत्मा सुन्य
चक्र बिच
असन्ख्य रमिताहरुको बिच
दु:खको बत्ती
निभ्न लागिरहेछ
भावाभाब रहित
किर्तीस्तम्भहरु
सङ्ला र सुन्यतामा
घुमि रहेकाछन।
रङी बिरङ्गी
आँखाहरु
सुन्यतालाई चिर्दै
सभ्य र सत्य मृत्‍युलाई
अद्रिस्य पटमा
सफा र सेता हिउसङै
ओर्लिन आतुरछन
सुनसान औशी
र बुढाउली चेहरा।
चुलिएकाछन अजङग
हिमालझै नाकका डाडिहरु
आमाको पहिचान
टाउकामा सजिएकाछन
करोडौको बिपना
र आदर्शको ऐना
सदाचारको ब्रतमा।।।

अनमोल छ

गीत (अनमोल छ) -बिमल गिरी

आबेसमा आउनुहुन्न बिधम्सनै भए पनि
एकान्तमा रुनुहुन्न आँखातरी गए पनि

अनमोल छ जीबन यो मुस्कुराइदिउ बरु
सुन्दर समाज निर्माण गरौ शरण परुन अरु
जन्म मृत्‍यु नितान्तछ कुबेर जस्तै भएपनी
एकान्तमा रुनुहुन्न आँखा तरी गएपनी

शिखर चुम्ने हिम्मत गरौ थकाईहरु पर सारी
ब्यथाहरु आउछन जान्छन सहनुछ आधि हुरी
धर्य गरौ जस्तै दु:ख आपत बिपत आएपनी
एकान्तमा रुनुहुन्न आँखा तरी गएपनी।

चेतना

कबिता (चेतना) -उषा गिरी

पानी झै पोखिने जीबनलाई
सुस्केरा को भाषामा
तिमी खोज्न चाहन्छौ भने
आफ्नै अनुहार
ऐना मा साटे प्रसस्त भेटिन्छन्
बिगत का ति किरमिरे रेखाहरु
किटान मात्र गरे पुग्छ
अतित नियाल्नलाई
पलङ्मा क्षेणभर सुस्ताय मात्र पुग्छ
तिम्रो अश्वास्थ सोचलाई
म हुँ भन्ने चेतना भया,

घर देश चारपाने झापा
हाल ब्रुस्सेल्स

गीत्

जिन्दगीको (गीत्) -बिमल् गिरी

जिन्दगीको खुशी सबै तिम्रै निम्ति साँचेकी छु
चाँडै आउ है भन्दै मनमा देवी देउता भाकेकी छु।

सात समुन्द्र पारी तिमी बिदेशीको साथ सँगै
दिन बिताउनै कठीन भयो कति बसौं एक्लै रुँदै,
मिलनका खुशी सबै तिम्रै निम्ति साँचेकी छु
चाँडै आउ है भन्दै मनमा देवी देउता भाकेकी छु।

मनमा कैल्यै खुशी छैन रुन्छु सधैं आँखाभरी
बैंस त्यसै खेर गयो ओिलियको फूल सरी,
आउने दिनको खुशी सबै तिम्रै निम्ति साँचेकी छु
चाँडै आउ है भन्दै मनमा देवी देउता भाकेकी छु।

चारपाने,झापा
हाल ब्रुसेल्स,बेल्जियम