घमण्डको परिणाम

-बिमल गिरी

घमण्डको परिणाम जहिले पनि घातक हुन्छ
किन ? गल्ती गरेभन्दै एकान्तमा रुन्छ

इज्जत गरौ एक अर्कालाई आफ्नै वंश ठानी
पछुताउनु पर्ला एक्लै के भयो यस्तो भनी
मै हुँ भन्ने सोच पाल्दा जहिले पनि घातक हुन्छ
किन ? गल्ती गरेभन्दै एकान्तमा रुन्छ

एक दिन त जानु नै छ डर राखी कर्म गर
आफ्नो काम आफै गर अन्यत्रको भर नपर
बिझाउने कुरा गर्दा जहिले पनि घातक हुन्छ
किन ? गल्ती गरे  भन्दै एकान्तमा रुन्छ