कबिता (बटुवा) बिमल गिरी
उफ--कति लामा र
अनन्त घुम्तिहरु
अन्जुलिमा विश्वाशका खडेरी उघ्घाउदै
बर्तमानको भ्रुणलाई
आँखामा भ्रम पार्दै
कहाली लाग्दा
अक्कर र खोचहरी पारगर्दै
सुनगाभा फक्राउने
जीबनको सपना बुन्दै
छहरा र पहरामा
मुस्कान छर्न
बिहान खोजिरहेछ
बिचरा बटुवा
धाक्रे र तोक्मासगै
कैले दियालेको ओरालो
कैले सागुरिको उकालो
कैले पिलुवा र अरुणका
बगरहरुमा सुन्यतालाई रिक्ततालाई
ढाक्रेभरी बोकी
उराठलाग्दा बिभत्स बर्तमान
बोकिरहेछ
बिचरा बटुवा।
नाङिएकाछन खुट्टाहरु तुसारोले
चोइटिएकाछन कुर्कुचाहरु
प्रतेक सडक र गल्लिहरुमा
स्नेहका पोल्टाबाट
गौथलिले पठाएकी सातु
अरुणको पानीसग
गुन्द्रुक भिजाएर गरीबीसग पिउदै
उकुसमुकुस चपाइरहेछ
बिचरा बटुवा।
Subscribe:
About Me
- बिमल गिरी
- चारपाने ३ , झापा , नेपाल! हाल : बेल्जियम,ब्रुस्सेल Contact-bimalgiri@hotmail.com
About
--------------------------------
हामी भुगोलको कुनै कुनामा रहे पनि आदर्णीय साहित्यप्रेमी दाजुभाइ
दिदीबहिनीहरु,आफ्नो मनमा मौलाएका भावनाहरु सङ्ग साईनो गास्तै नेपाली भाषा साहित्य,कला सस्क्रिती र संगीतलाई मन भित्रको मायाको थैलिमा राखेर आमाले स्तनपान गराउदै सिकाएको नेपाली भाषाकोअनबरतरुपले सेवा गर्ने साहित्यिक चौतारीको स्यानो बिसाउनिमा बसेर मलजल गर्ने आथाह उद्धेस्यले यो स्यानो सम्बेगात्मक भगालोमा हेलिदै एउटा पारिलो फाटमा उस्तै उस्तै मनहरुलाई चिहाउदै साहित्यिक पारखी भएर उपस्थित भएकोछु । हाम्रो जीबनमा सुख दु:खहरु,पिडा बेदनाहरु,आरोह अबरोहहरु,उताड चडाब,घाम छाया,आशा निराशा र उकाली ओराली जस्ता बिबिध बिरोधाभास र अन्तरद्वन्दबाट गुज्री रहेछ।जे जस्तो भएपनि राजनैतिक लडाईंलाई तोड्दै नेपाली भाषाको फेर समात्तै कलम बोकेर अगाडि बढीरहौ ।जतिनै श्रीजना गरे पनि
श्रीजनाका बिन्दुमा कैले पुग्न सकिदैन र कल्पना गर्न पनि निरर्थक हो।आउनुहोस् सुरै सङ्ग हातेमालो गर्दै साहित्यमा जीबनलाई बोध गरौ । क्लिक गर्दै गर्नुहोला। धन्यवाद।
